Ai është ndër personat më të pasur në Shqipëri dhe sigurisht që ka shëtitur në mbarë botën, ama vendi i preferuar për të pushuar është i njëjtë me atë të qindra shqiptarëve.
I ftuar në emisionin “Pushime on Top”, biznesmeni Samir Mane rrëfeu se adhuron bregdetin e jugut të Shqipërisë. Sipas tij, nuk gjen në asnjë vend të botës të tillë det.
“Unë kam udhëtuar në shumë vende, kam parë shume plazhe, por ju siguroj që vende si Palasa, Dhërmiu apo Jala nuk ka” u shpreh Mane.
Njeriu më i pasur në vendin tonë zgjedh të pushojë gjithmonë së bashku me familjen e miqtë. Samir Mane është baba i katër fëmijëve: Martini, Andi, Marko dhe vogëlushja Amber.
