Gjithmonë, përpara fillimit të spektaklit të humorit, Portokalli, vihet në pikëpyetje fati i dy prezantuesve, nëse ata do të drejtojnë edhe këtë sezon.
Vetë moderatorja simpatike, Xhemi Shehu është shprehur se nuk dëshiron më që të prezantojë Portokallinë dhe se gjithmonë pas përfundimit të sezonit, ajo i thotë vetes së kjo është hera e fundit që merret me këtë gjë.
E ftuar në janar në emisionin “Pasdite në Top Channel”, Xhemi ka treguar (Lexo këtu) se nuk i ka pëlqyer asnjëherë fama dhe se sa herë që është shfaqur në sezonin e Portokallisë, ka menduar se ky do të jetë sezoni i saj i fundit.
“Është shumë e çuditshme që jam ende në televizion, sepse jam natyrë e rezervuar, nuk më pëlqen të jem në qendër të vëmendjes”, pohoi ajo duke habitur edhe kolegun Salsano Rapi, i cili shprehu çudinë duke thënë se ishte hera e parë që po e dëgjonte.
Ndoshta ky me të vërtetë do të jetë sezoni i fundit i Xhemit në Portokalli ndërsa sa i përket Salsano Rrapit, ende nuk dimë gjë të sigurt. Së fundmi Portokalli ka hapur audicione për të gjithë ata që duan të jenë pjesë e spektaklit përmes prezantimit, aktrimit apo edhe skenarit.
