Emisionit të dashurisë “Love Story” dalëngadalë po i vjen fundi.
Vetëm dy ditë na ndajnë nga finalja e madhe e këtij emisioni ku protagonisti I spektaklit, Saimiri do të bëjë zgjedhjen e vet për njërën nga vajzat. Ai ka zbuluar disa të fshehta dhe në një intervistë të dhënë për emisionin “Nuk është karantinë”.
Saimiri, fillimisht u ndal te pamja fizike duke treguar se është shumë i dhënë pas palestrës.
“Në moshën 7 vjeç kam filluar futbollin. Ndërsa palestrën e kam filluar që në moshën 14-vjeçe. Në Gjermani nuk lejohet që ta fillosh pa mbushur 18, prandaj duhet të vinin prindërit ta firmosnin. Të bëhet si sëmundje sporti, prandaj nuk e lë dot. Me që nuk kam shumë kohë për shkak të aktiviteteve të mia, përpiqem të bëj 1 orë, 1 orë e gjysmë palestër në ditë”.
Më tej, Saimiri është shprehur se nga pamja e jashtme tek një vajzë dallon fytyrën më pas i jep rëndësi formave të tjera.
“Unë jam njëri që nga pamja e jashtme fokusoj fytyrën, sytë, dhëmbët pastaj edhe figura. Por fytyra është shumë e rëndësishme, pasi me atë njëri do të flasësh përdit dhe nëse nuk të tërheq fytyra do ishte dramë”.
Gjithashtu, Saimiri foli edhe për spektalin duke theksuar takimet kanë qenë shumë të vështira, por ai është i vendosur se kë vajzë do të zgjedhë.
Ai foli gjithashtu edhe për spektaklin dhe theksoi se tanimë është i vendosur se cilën nga vajzat do të zgjedhë.
“Takimet kanë qenë shumë të vështira dhe shumë të lodhshme në ky aspekt sepse ti nuk je vetëm me atë vajzën si në jetën reale, ku ulesh pi diçka, bisedon. Po në qoftë se të vijnë edhe 20 veta rreth e qarkë, njëri të fokuson, tjetri të bën një pyetje, jo pse, jo dole keq. Është shumë vështirë të krijosh momente intime. Jashtë kamerave nuk takohem me vajzat. Jam i vendosur se kë do të zgjedh, por nuk e di vetëm po të ndodhi ndonjë skandal”, tregoi Saimiri.
