Saimir Kodra nuk është vetëm një moderator i njohur në Shqipëri, por është kthyer edhe në një personazh të dashur për publikun. Ai ka krijuar imazhin e personit tek i cili shumë prej nesh mund të gjejë zgjidhje të problemeve të rëndësishme që hasim.
Por në fund të ditës e gjithë puna duhet vlerësuar edhe nga ana monetare. Saimir Kodra i ftuar në “Thumb” ka treguar se ai mund të jetë personi më i paguar në Shqipëri që prej 1997-s e deri më tani.
Por sipas Kodrës, sërish ai arrin të bëjë një jetë shumë të mirë, ka një shtëpi e një makinë modeste por kaq! Kjo e bën atë të hedhë pikëpyetje sesi ka mundësi që politikanë apo të tjerë punonjës që kanë rrogë më të ulët se ai munden të kenë më shumë të mira materiale se ai.
Thënë këto, ai ka treguar në studion se është mjaft transparent, nuk merr asnjë shumë parash për të publikuar apo fshehur ndonjë video për transmetim në emisionin ‘Stop’.
