Në fillim të këtij muaji, “Iconstyle.al” zbuloi lajmin e bukur se Klea Huta dhe Elgit Doda do të bëhen prindër për herë të parë.
Siç u mësua më pas, çifti shumë i njohur i showbiz-it janë në pritje të një djali, ndërsa ende nuk kanë bërë asnjë deklaratë publike lidhur me lajmet e shtatzënisë.
Në daljet e saj publike, Klea është munduar të mos e ekspozojë barkun tashmë të rrumbullakosur, mirëpo duket se s’do mund ta fshehë për shumë gjatë.
Ditën e sotme, moderatorja ka ndarë në Instagram një foto ku shfaqet e veshur me një pallto dhe një shall të madh që i mbulon barkun, mirëpo s’ka mundur t’i shpëtojë vëmendjes së ndjekësve.
Të shumtë janë ata që i kërkojnë të mos e mbulojë barkun e rrumbullakosur, pasi shtatzënia është gjëja më e bukur që mund t’i ndodhë një femre, ndërsa të tjerë e komplimentojnë për nurin që i ka rënë.
Klea ende nuk i është përgjigjur asnjë komenti, ndërsa ne jemi në pritje për një konfirmim të lajmit nga çifti.
Sipas burimeve, Klea duhet të ketë hyrë në 3-mujorin e dytë të pritjes së ëmbël dhe bebushi i tyre pritet të vijë në jetë gjatë verës.
