Renis Gjoka nuk i ka rezistuar dot portretit engjëllor të vajzës së tij të porsalindur!
Këngëtari shqiptar u bë baba dhe lajmi erdhi i papritur për të gjithë ne. Lajmi ishte i papritur pasi Renisi nuk kishte zbuluar ende identitetin e partneres.
Megjithëse ishte kapur shpesh herë mat me të, askush nuk e njihte vajzën që i rrëmbeu zemrën, të paktën deri disa ditë më parë.
Partnerja e Renis Gjokës është një vajzë me emrin Jona dhe dyshja ka një histori të gjatë dashurie.
Lidhja e tyre u përforcua edhe më shumë kur u bë prindër të Auras.
Gjatë gjithë kësaj kohe, Renisi ia ka fshehur gjithnjë fytyrën vajzës por sot nuk mundi:
“Po sa të du moj”, shkruan Renisi në foton ku Aura shfaqet duke fjetur si ëngjëll pranë tij.
Historia e dashurisë mes këngëtarit dhe ekonomistes ka nisur që në vitin 2010 dhe Renisi është kujdesur në maksimum që marrëdhënien e tij ta mbajë sa më larg mediave.
