Marrëdhënia e Shawn Mendes dhe Camila Cabello është një për më të komentuarat në showbizin ndërkombëtar, por duket se Shawn nuk ka qenë gjithmonë i sigurt për lidhjen e tyre.
Këngëtari ka ruajtur pëlqimin e tij për Camilën për gati pesë vjet përpara se të merrte guximin për t’i propozuar për lidhje. Së fundmi, gjatë një interviste me Access Hollywood, këngëtari ka hedhur dritë mbi “konfliktin e tij të brendshëm” për ndjenjat ndaj këngëtares.
Duke folur pse ai priti kaq shumë për t’i shprehur ndjenjat, Mendes pranoi: “Duhet shumë guxim t’i thuash një femre që e do. Kisha pesë vjet frikë se do të refuzohesha nga ajo. Kjo më ndaloi të shkoja drejt këtij hapi – ose thjesht mungesë besimi. U desh shumë kohë për t’u përgatitur. Bëra një “nxemje” pesë-vjeçare që më në fund të isha në gjendje t’i tregoja asaj se si ndihesha! “
Javën e kaluar Camilla na shkriu zemrat të gjithëve në një postim në Instagram ku shihet duke u puthur me Shawn.
Ajo është kujdesur që t’i bëjë atij një dedikim romantik e me fjalë zemre, ku ka rrëfyer të gjitha emocionet e saj dhe ndryshimet që ka shkaktuar tek ajo lidhja me këngëtarin.
View this post on Instagram
Pak javë më parë, Shawn Mendes ka folur hapur në një intervistë, ku ka treguar se si e ka ndryshuar lidhja me Camila Cabello. Këngëtari ka treguar se më parë ai e mendonte veten si një njeri të dobët dhe i hapur ndaj betejës me ankthin, por gjatë marrëdhënies me artisten kuptoi se nuk ishte kështu.
Ai është shprehur se duke mësuar si të vlerësojë veten ka mundur të shpëtojë edhe lidhjen me Camilan.
“Nuk mund të jesh versioni më i mirë i një djali, vëllai apo të dashuri, ose shoku për askënd, nëse nuk je aty për veten, nuk kujdesesh për veten dhe nuk kontrollon zemrën, hapësirën e energjinë tënde”, është shprehur Mendes.
Ai ka shtuar se kjo është hera e parë që ka rënë në dashuri dhe se mbështetja e Cabello-s e ka lejuar që të japë gjithçka në lidhje e të angazhohet plotësisht në të.
