Genta Ismajli është një nga emrat që i mungon më së shumti tregut shqiptar.
Vitet e fundit ajo ka qenë shumë pak aktive me prurjet e reja dhe fansat nuk mund ta fshehin se iu mungon shumë.
E kujt nuk i kujtohen super hitet e Gentës të para një dekade të tilla si “Unë jam fati yt”, “E kam provuar”, “Pse të dua ty”, “Kthehu”, etj., që kanë bërë shqiptarët të qajnë e kërcejnë.
Vitet e fundit këngëtarja ka ndryshuar pak stil, duke ardhur me këngë ritmike e duke iu përshtatur tregut, por padyshim mbetet me të njëjtat energji.
Ka kaluar një vit që kur ajo solli “Zjarr” dhe padyshim ishte koha për një rikthim të bujshëm.
Genta ka publikuar pak më parë këngën e re në bashkëpunim me Marselin, të titulluar “Ça me bo” . Në fakt ata kanë sjellë një version të ri të saj, pasi ju kujtojmë se kjo këngë ishte një nga hitet e karantinës.
Në klip bukuroshja brune është shfaqur plot stil, teksa duket se kënga po shkakton goxha impakt.
