Princ Harry, 33 vjeç dhe bukuroshja amerikane Meghan Markle, 36 vjeç, kanë zyrtarizuar lidhjen e tyre të dashurisë. Çifti dje shpalli fejesën dhe janë shfaqur shumë të lumtur.
Sipas njoftimit zyrtar të Pallatit Mbretëror, “Princi i Uellsit ka shpallur fejesën me Ms. Meghan Markle.”
Me këtë rast, çifti kanë vizituar kopshtin e Pallatit për të bërë edhe fotot zyrtare pas shpalljes së fejesës. Ishte dalja e tyre e parë si të fejuar dhe sipas opinionit tonë, Meghan ia arriti të dukej si një fashioniste e vërtetë. Ajo kishte veshur një pallto të bardhë nga Line Knitwear, një markë kanadeze nga e cila ajo është veshur edhe më parë, një fustan jeshil (Parush), takat nga Aquazzura dhe bizhuteritë Birks.
Po cilat janë detajet që e bënë veshjen interesante
Meghan veshi një pallto të bardhë nga Line Knitwear, një kompani kanadeze, nga koleksioni Vjeshtë – Dimër 2017. Prerja është klasike, me shkëlqimin e mahnitshëm të bardhësisë së dimrit. Mendohet se kushton rreth 450 paund.
Nuk ka imazhe të kësaj palltoje online , Meghan e kishte porositur markën për eventin e saj special, por ka një variant krem/ bezhë nga ëebsite i markës.
Pallto është modeluar me një jakë shall dhe një rrip në bel. Sipas faqes së internetit të kompanisë, Koleksioni i 2017-ës mund të blihet në internet në ‘Saks Fifth Avenue’ ,megjithëse nuk gjendet me një kërkim të thjeshtë. Linja ka gjithashtu edhe dyqane në të gjithë SHBA-të.
Ndërsa këpucët kamosh ngjyrë nude që Meghan ka veshur janë të linjës Matilde Crisscross dhe kanë kushtuar 369 panud.
Burimi: Dailymail
