Rihanna ka bërë disa bashkëpunime të famshme me “Fenty x Puma”, këpucët “Manolo Blahnik”, syzet e diellit “Dior” dhe madje për çorapet “Stance”.
Tashmë ajo po dizajnon bizhuteri elegante në bashkëpunim me “Chopard”, që do të prezantohen në maj në “Festivalin e Filmit” të Kanës.
Koleksioni “Rihanna Loves Chopard” frymëzohet nga kopshtet dhe festimet e karnavaleve të Barbadosit, vendlindjes së këngëtares.
Ajo dizajnoi nëntë pjesë me markën e njohur dhe që do të jenë në dispozicion vetëm 2.000 për secilin prej tyre.
Çmimet variojnë nga 1,460 dollarë unaza në 11,140 dollarë varësja, pasi janë me diamante.
Rihanna në fakt është shfaqur me dizajnin e saj të parë me vathët me lule në tapetin e kuq të “Grammy”-it në shkurt.
“Rihanna dhe unë bashkëpunuam shumë për koleksionin, kështu që ju mund të ndjeni energjinë e saj të pandalshme, kreativitetin e fortë dhe ndjenjën e dizajnit te çdo pjesë. Me stilin e saj unik, ajo ripërcakton mënyrën sesi njerëzit i shohin dhe i veshin bizhuteritë”, thotë Scheufele.
Burimi: Elle
