Ngjaja e dy ditëve më parë, të cilën Policia e Durrësit e ka cilësuar si vetëvrasje, ku mbeti e vdekur me një plumb në kokë bashkëshortja e një polici ka tronditur mbarë opinionin publik.
Menjëherë pas ngjarjes tronditëse u arrestua punonjësi i policisë nën akuzën e shkaktimit të vetëvrasjes së të shoqes dhe si përgjegjës që nuk ka siguruar armën sikurse e përmban edhe rregullorja.
Bashkëshortja e policit, 47-vjeçarja Merita Hajdari dyshohet se u vetëvra në prezencë të të shoqit dhe familjarëve të saj në oborrin e shtëpisë. Shkak i këtij veprimi të nxituar të 47-vjeçares, sipas efektivit të policisë Sherif Hajdari, është bërë një debat i momentit mes tyre.
“Efektivi u arrestua me akuzën se ka nxitur apo shtyrë bashkëshorten Mirjeta Hajdari të ndërmarrë aktin ekstrem të vetëvrasjes. Çifti ka pasur një debat shumë të ashpër mes tyre, debat i zhvilluar edhe në prani të personave të tjerë familjarë. Në një moment dobësie, 47-vjeçarja ka marrë armën e shërbimit të bashkëshortit dhe qëlloi veten me një plumb në kokë”, ka bërë të ditur Policia për gazetën “Panorama.
Ndërkohë që Gjykata e Durrësit e ka lënë të lirë efektivin e policisë, Sherif Hajdari me masën e sigurisë “Detyrim paraqitje, tashmë është zbardhur edhe dëshmia që ai ka dhënë.
“Ishim duke debatuar për gjëra të përgjithshme në familje. Nuk kishim ndonjë debat specifik, të paktën jo për motive të dobëta. Unë jam i sëmurë dhe mjekohem për tension të lartë. Ishte ora rreth 13:00 dhe siç thashë po debatonim me njëri-tjetrin. Aty ishte kunata ime (nusja e vëllait) dhe familjarët e tjerë. Llaf pas llafi, ‘jo kështu po ashtu’, debati mori përmasa të tjera. ‘Kush je ti, kush jam unë’, ‘jo ti, jo unë’, Kështu muhabetesh, në dukje pa rëndësi, por që prodhonin debate. Kur ndërkohë që dolëm përjashta, Merita shkoi në dhomën tonë të gjumit, mori pistoletën time dhe doli në oborr ku ndodheshim dhe ne të tjerët. Aty drejtoi pistoletën në kokë dhe qëlloi veten.
Sa e pashë i thërrita ‘mos, mos’, por ndërkohë ajo e shkrepi ma më dhënë mundësinë që t’ia hiqja nga dora. Kjo është dinamika e ngjarjes. Nuk kishte arsye madhore për të ndërmarrë këtë akt të rëndë. Jemi shumë të dëshpëruar, pasi unë humba bashkëshorten, ndërsa djemtë e mi nënën e tyre”, ka deklaruar efektivi i policisë para kolegëve të tij ën Drejtorinë e Policisë së Durrësit.
Burimi: Panorama
