Ai u gjet përsëri i vetëm pas ndarjes nga Selena Gomez në fund të tetorit. Dhe duket se The Weeknd tashmë është duke e shfrytëzuar mundësinë për të ecur përpara nga marrëdhënia e dështuar, pasi u pa duke festuar me një zeshkane misterioze, në Australi.
Kngëtari 27-vjeçar u pa në ballkonin e shtëpisë së tij me qira Sidnej, duke festuar nën shoqërinë e disa miqve, me një mysafire femër që kishte një ngjashmëri të habitshme me ish-të dashurën e tij të 18 muajve, Bella Hadid.
E fotografuar jashtë apartamentit luksoz të The Weeknd, femra me flokë të errët ishte veshur me një fustan të shkurtër të bardhë dhe u bashkua me një tjetër vajzë me një bluzë ngjyrë vjollce para se të hynin brenda shtëpisë së tij.
Bukuroshja u krahasua nga “Daily Mail” me Bella Hadid, ndërsa u përfol për një ribashkim me këtë të fundi, pasi u pa në shtëpinë e saj në Nju-Jork pak javë më parë.
Ai dhe Bella nisën lidhjen në fillim të 2015-s dhe u ndanë në nëntor të 2016-s.
Burimi: Daily Mail
