Javën e parë të muajit qershor Eros Grezda dhe Ajsel Abazi u bënë prindër për herë të parë. Në jetë erdhi djali i tyre të cilin vendosën ta quanin Kian.
Lajmin e bukur disa javë më parë e ndau vetë çifti në Instagram, ndërsa së fundmi Ajsel na ka prezantuar edhe me portretin e të sapolindurit.
Abazi ka ndarë si fillim një foto të sajën me të voglin dhe më pas një të tijën vetëm. “Fjalët nuk mund të përshkruajnë se sa shumë të do mami, vogëlushi im i ëmbël Kian,”-shkruan Ajsel krahas postimit.
Një reagim nuk ka munguar as nga babai, Erosi i cili ka lënë disa zemra të kuqe në seksionin e komenteve.
