Në 27 Gusht, Cristiano Ronaldo, firmosi kontratën me Manchester United, duke u rikthyer në shtëpinë e tij të vjetër. Ishte vetë klubi anglez që njoftoi rikthimin në Old Trafford të Ronaldo-s. Klubi anglez njoftoi se ka arritur një marrëveshje me Juventusin për transferimin e lojtarit, i cili kishte shprehur dëshirën për të mos vazhduar në Itali.
“Të gjithë ata që më njohin e dinë për dashurinë time të pafund për Manchester United. Vitet që kalova në këtë klub ishin absolutisht të jashtëzakonshme dhe udhëtimi që kemi bërë së bashku është shkruar me shkronja të arta në historinë e këtij institucioni të madhërishëm dhe të mahnitshëm.
Unë as nuk mund të filloj të shpjegoj ndjenjat e mia në këtë pikë, duke parë që kthimi im në “Old Trafford” njoftohet në të gjithë botën. Është si një ëndërr e bërë realitet, pas të gjitha kohërave që kam luajtur kundër Man. United përsëri, dhe madje edhe si rival, pasi kam ndjerë gjithmonë kaq shumë dashuri dhe respekt nga tifozët në tribuna. Kjo është 100% ajo që kam ëndërruar.”
Mesa duket, jo vetëm Cristiano ka qenë kaq i emocionuar për rikthimin e tij në Manchester. Reagimi i mamasë së yllit portugez po pushton rrjetin.
Ajo ka shpërthyer në të qara duke parë djalin e saj të shënojë gol për skuadrën e tij të zemrës.
Manchesteri fitoi 4-1 kundër Newscastle dhe Cristiano u ndezi stadiumin e Old Trafford si në 2009.
