Në 24 mars, aktorja e famshme e filmave të adoleshencës sonë, Hilary Duff, u bë nënë për herë të tretë. Tre ditë pas ardhjes në jetë të vogëlushes, Hilary vendosi ta ndajë këtë lajm të bukur me të gjithë botën.
Aktorja publikoi në llogarinë e saj në Instagram një foto nga vaska ku ka sjellë në jetë bebushen, ndërsa brenda në vaskë me të qëndronte edhe e bija Banks Violet Bair. Pranë tyre ishte sigurisht edhe partneri, Matthew Koma, si dhe djali 8-vjeçar, Luca Cruz Comrie. Duff zbuloi për ndjekësit edhe emrin e vajzës që ka sjellë në jetë. Ajo quhet Mae James Bair.
View this post on Instagram
“Mae James Bair – të duam bukuri. 24 mars 2021,” shkroi Hilary krahas postimit të bukur.
Ndërkohë së fundmi ajo ka publikuar për herë të parë një foto të portretit të vogëlushes.
“Duke pritur që të më thoni se sa e ëmbël jam”, shkroi aktorja përkrah imazhit të adhurueshëm të vajzës.
Kujtojmë se Mae James Blair është vajza e dytë e aktores me Matthew, ndërsa ajo është gjithashtu nënë e Luca-s nga martesa me Mike Comrie. Në tetor 2020-s, Duff dhe Mathew lajmëruan se ishin në pritje të fëmijës së tyre të dytë.
“LOL karantina ishte shumë gallatë. Bebushi nr. 3 2021”, shkroi këngëtari i njohur përkrah një video të tij duke përkëdhelur barkun e rrumbullakosur të Hilary-t.
