Nisja e klasës së parë është një moment shumë emocionues jo vetëm për fëmijët, por edhe për prindërit e tyre. Të njëjtën ndjenjë ka përjetuar ditën e sotme edhe gazetarja Rudina Xhunga, e cila ka shoqëruar vajzën e saj teksa ka nisur klasën e parë.
Ajo ka postuar në profilin e saj në Instagram disa foto, të cilat i ka shoqëruar edhe me një përshkrim mjaft domethënës. Madje nëpërmjet tij na ka zbuluar edhe historinë e bukur të saj të dashurisë, se si u njoh për herë të parë me bashkëshortin e saj.
“Unë nuk qava ditën e parë të shkollës. Mezi po prisja të hyja në një botë të re, ku shuuuumë vite më vonë do njihja atë djalin e vogël që në klasë të parë, rrinte afër mësueses dhe bashkë do sillnim në jetë Alanën, që sot e çuam në klasë të parë. Pitilushe, të vaftë mbarë, e vogël. Duaje botën ku po hyn, zbuloje me sytë e tu kuriozë dhe bëje më të mirë, për kë vjen më pas. Siç e bëmë ne, duke të sjellë ty Alanushe. Sot ra zilja e parë e shkollës për ty. Zilet të shoqërofshin gjithmonë! Vit të mbarë gjithë të vegjlit e klasës së parë, sot e pas dy javësh. Marrçin më të mirën e prindërve dhe dhënçin me të mirën e këtij brezi vogëlushesh me kaq vetëbesim.”, shkruan Rudina krahas postimit të saj në Instagram.
