Rudina Xhunga numëron një karrierë 20 vjeçare në televizion. Emisioni i saj i parë politik ka qenë në “Top Channel”.
Gazetarja e njohur e quan kohë të artë të karrierës së saj vitet që ajo ka qenë në “Top Channel”, në kohën kur drejtonte “Shqip”, por padiskutim që ka patur edhe momente të vështira. Një prej tyre ka qenë edhe koha kur asaj iu ndryshua orari i trasmetimit.
Vite më parë ajo ka qenë në trasmetim mbrëmjen e së enjtes, por me ardhjen në “Top Channel” të Sokol Ballës Rudinës iu tha se gjërat do të ndryshonin. E ftuar në emisionin “Thumb” Rudina ka rrëfyer pikërisht për këtë moment.
“Moment i vështirë, ka qenë në Top Channel pas 4 vitesh në punë, kur kishte ardhur Sokol Balla drejtor i lajmeve dhe kërkonte një emision poltik dhe gjithmonë fliste me Tan Hoxhën, donte të enjten sepse ishte dita e burrave, e Blendit. Arriti t’ja mbushte mendjen. Na thirrën në një mbledhje dhe më thonë nuk ka ”Larry Kinge” në këtë botë, ti je grua dhe ky burri do përballojë Blendin.
Dola nga dera, bëra të zbrisja dhe rashë nga shkallët. Nuk e binda dot Tanin , ai ishte pari që më gjeti dhe po kërkonte ujë sepse e përjetova. Koli filloi të enjten unë të hënën po i kisha të dy konkurrentë si atë si Blendin ndaj ka qenë kohë e artë për mua. Megjithatë sot e enjtja, “Dita e burrave” sipas sondazheve është dita pa publik.”,- ka rrëfyer Rudina.
