Rudina Dembacaj dhe ish-bashëshorti i saj, Aleksandër Varfaj, ruajnë marrëdhënie të mirë me njëri-tjetrin.
Rudina ka publikuar së fundmi në Instagram një video ku shfaqet duke kërcyer me të bijën. Ky moment, sigurisht nuk i ka shpëtuar as bashkëshortit, i cili mesa duket e ka pëlqyer shumë.
Aleksi i ka komentuar dy zemra të kuqe Rudinës, dhe me këtë gjest të tij lihet të kuptohet se marrëdhënia e tyre vijon të jetë në rregull.
Kujtojmë se Rudina Dembacaj dhe partneri i saj Mark Frroku u kurorëzuan me martesë në ditën e parë të vitit 2021.
Propozimi ka ardhur si një surprizë e vërtetë për Rudinën, pasi Mark Frroku kishte përgatitur vetë gjithçka në detaje. Aktorja ka zbuluar se ai i ka propozuar në një nga vendet më të bukura të Turqisë, Cappadocia, dhe momentin më të bukur të jetës e kanë fiksuar përmes disa fotografive.
Më 1 janar, moderatorja na ka surprizuar shumë të gjithëve, teksa ka publikuar disa foto nga Bashkia e Tiranës, ku shihet bashkë me Markun. Ata janë martuar. sigurisht pa ceremoni, vetëm në praninë e personave që kanë bërë celebrimin.
Megjithatë, aktorja e humorit premton se shumë shpejt do bëjnë edhe dasmën, ndërsa tashmë mban mbiemrin e Markut.
