Rudina Hajdari ka vendosur që të krijojë një parti të re. Emri i partisë do të jetë “Bindja Demokratike” dhe pjesë e saj do të jenë ish-zyrtarë të Partisë Demokratike.
Konfirmohet se pjesë e partisë së vajzës së liderit të dhjetorit Azem Hajdari, do të jetë edhe Astrit Patozi.
Nismëtarët janë drejt përfundimit të procesit të mbledhjes se 3 mijë firmave që nevojiten për të regjistruar një forcë politike. Javën e ardhshme partia më e re do të depozitojë kërkesën në gjykatë.
Mbetet për t’u parë nëse figura të tjera të së djathtës do t’i bashkohen kësaj lëvizjeje politike, e cila synon të marrë pjesë në zgjedhjet e 30 qershorit.
Burimi: Top Channel
