Largimi nga “Al Pazar” i Rudina Dembacajt, bëri shumë bujë në mediat rozë. Ishte përfolur se shkak për këtë ka qënë një mosmarrëveshje mes saj dhe Agronit, por ky i fundit e ka mohuar. E ndërsa sot, Rudina ka treguar për herë të parë se si ka ndodhur gjërat, sipas versionit të saj.
Rudina është shprehur se largimi i saj erdhi si pasojë e disa mosmarrëveshjeve të shumta me Agron Llakajn. Të dy kishin bërë një pakt që ta kalonin në heshtje largimin e saj, por Agroni e theu këtë heshtje, madje sipas saj me një gënjeshtër.
“Unë dhe Agroni zgjodhëm në heshtje që të mos shpreheshim, por Agroni e theu këtë pakt madje me një gënjeshtër. Ndodhi shumë gradualisht, filloi që në janar, kishim disa mosmarrëveshje, disa debate pune më shumë”, u shpreh Rudina.
E ndërsa duke u ndalur tek emisioni i saj, Rudina ka folur edhe për të ftuarit e saj. E pyetur se cili nga të ftuarit ka qenë më karizmatik, ajo ka zgjedhur Florjan Binajn dhe Renato Mekollin. E ndërsa personazhi më i vështirë, ajo tregon se ka qenë moderatori Arjan Cani.
