Moderatorja e programit “Mos i fol shoferit”, Rudina Dembacaj, ka folur për herë të parë për largimin e saj nga Al Pazari. Ajo është shprehur se Agron Llakaj gënjen dhe ajo nuk është larguar për arsye familjare.
I ftuar në Thumb, Llakaj tregoi se angazhimet e Rudinës në jetën familjare sollën shkëputjen nga programi, ndërsa Dembacaj ka treguar se arsyeja e vërtetë është një sherr që ka ndodhur mes tyre. E ftuar në emisionin e mëngjesit, “Check In” të moderatorëve Flori Gjini dhe Frensi Muça në NRG Radio, aktorja është shprehur:
“Nuk do të më shihni asnjë ditë në Al Pazar! Dhe nuk e lashë atë për arsye familjare siç tha Goni. Fatkeqësisht ose fatmirësisht nuk kemi mbetur miq!”.
Gjithashtu, Rudina ka treguar se nuk do ta ftojë kurrë Agronin në programin e saj, por ka shtuar se ajo i është mirënjohëse Agron Llakajt duke e cilësuar komedianin e njohur si mësuesin e saj.
