Rudina u është përgjigjur një për një të gjithë komentuesve, që reaguan pas debatit, që pati me Linda Rein për termin transgjinore.
Moderatorja mbrojti përcaktimin e saj, me motivin se ky është një term i përdorur nga psikologë dhe e përdorin në vendin dhe kohën e duhur:
“Me gjithë respektin për zgjedhjet në jetë të së ftuarës dhe me gjithë dashamirësinë time për ta mbështetur në atë që ajo ka zgjedhur, termi që unë përdor është i saktë dhe i përcaktuar nga psikolog. S’e kam shpikur unë. Dhe nuk ka asgjë të keqe në këtë term shkencor, i cili përcakton një proces transformimi në trupin e saj, i cili ka ndodhur. Dhe ka ndodhur tek ajo, jo tek ti e tek unë, që të bësh dallimin. Kur ajo rrëfen historinë e saj, është i pashmangshëm ky përcaktim. Tjetër gjë nëse do ishte ftuar për të folur për tendencat e fundit të makeup-it, atëherë ndoshta ky përcaktim do ishte i panevojshëm.
Sipas Rudinës, “transgjinore” nuk është një term diskriminues, por thjesht karakterizues:
“Transgender nuk do të thotë tranzicion, por ndryshim gjinie. Pse kaq shumë komplekse ndaj këtij termi, s’e kuptoj?! Një term që s’është absolutisht diskriminues, por thjesht karakterizues. Përndryshe si ta bëj dallimin nga ty psh? (Nisem nga emri që je femër dhe po supozoj që nuk ke ndryshuar gjini)”.
Megjithatë pavarësisht se Linda e quajti një gazetare të painformuar, Rudina i doli në mbrojtje, kur disa fansa u shprehën se, për fëmijët ishte e frikshme biseda që u bë mes tyre:
“Përtej këtij diskutimi për termin, i cili nuk e ndryshon aspak rrjedhën e jetës se Linda Reit dua vetëm të sqaroj për të gjithë ju, që Linda Rei ishte një e ftuar si te gjithë të ftuarit e tjerë në program, me historinë e vet personale, e cila nuk vret askënd nga ata që janë shqetësuar, por përkundrazi shton një dimension më shumë të të parit të botës. Sa për fëmijët s’kishte asgjë te frikshme apo te turpshme aty për të mos folur. Po roli juaj si prindër për të interpretuar në përshtatje me fëmijët? Fakti qe ajo flet hapur për diçka që pjesa me e madhe e quan tabú, jeton jetën e saj siç i pëlqen pa i bërë dëm askujt është për tu respektuar absolutisht”.
