Për arsye ende të paditura, televizioni publik shqiptar RTSH, mbrëmjen e ndërrimit të viteve ka zgjedhur që në programacion, të përfshijë një kolazh me muzikë serbe.
Siç shihet në një video të publikuar nga portali “JOQ”, në RTSH1 mbrëmjen e djeshme është transmetuar një performancë e një artisti serb me shumë gjasa nga një nga festat televizive të fundvitit, gjë që sigurisht nuk është pritur aspak mirë nga audienca.
Skandali/ Radio Televizioni Shqiptar vendos muzikë serbe natën e ndërrimit të viteve on Vidnews.
Reagimi ka qenë i mënjëhershëm në faqen në Facebook të RTSH-së, ku kanë vërshuar komentet që dënonin këtë gjest.
“Turp të keni. Para shumë vitesh shkonim nëpër burgje nga këto “vëllezërit tuaj” vetëm pse shikonim TVSH-në,kurse ju natën e ndrrimit të moteve me muzik serbe. Ah mjer ne me ju.”-shkruan një prej komentuesëve referuar dhunës serbe në Kosovë, ndërkohë që shumë të tjerë kanë kërkuar mbajtje përgjegjësie dhe dorëheqjen e drejtorit të RTSH-së, Thoma Gëllçi.
