Cardi B i ka rritur akoma më shumë temperaturat, pasi ka publikuar klipin më të ri, që është një bashkëpunim me Megan Thee Stallion. Kënga e re titullohet “Wap” dhe përmban skena mjaft seksi dhe +18.
Por paraqitja e befasishme e Kylie Jenner në videoklipin e shumëpritur ishte surpriza më e madhe për fansat e 22-vjeçares.
Kylie tërhoqi vëmendjen me veshjen e saj leopard, në një korridor të frymëzuar nga ai në filmin “Alice In Wonderland” (Eliza në botën e Çudirave).
Bukuroshja shfaqet e veshur me një body me print leopardi dhe një palë çizme të gjata në të njëjtin dizajn, ndërsa shfaqet për vetëm 30 sekonda në minutën 1:39.
E gjithë skena është e filmuar në slow motion dhe kjo e bën akoma më tërheqëse paraqitjen e Kylie Jenner.
Mirëpo, duket se këto 30 sekonda të Kylie-t nuk janë pritur aspak mirë nga audienca që ka shpërthyer në komente negative, duke e konsideruar pjesëmarrjen e saj në klip si neveri.
Por, prisni se ka akoma.
Në Internet po qarkullon edhe një peticion për të hequr Kylie-n nga klipi: “Videoja ishte perfekte deri sa pamë K dhe unë desha të hidhja telefonin tim”, shkroi krijuesi.
when Kylie showed up in the Cardi x Meg video pic.twitter.com/Uw1lNFTIHm
— Astead (@AsteadWH) August 7, 2020
