Kim Kardashian ia ka arritur të “shtijë në dorë” gjerdanin ikonik të kryqit me ametist dhe diamant të Princeshës Diana në një ankand të Sotheby’s për 180 mijë euro.
Sipas një njoftimi për media nga Sotheby’s, pati konkurrentë të shumtë për të blerë këtë perlë të së ndjerës, por në fund u përzgjodh një nga familja Kardashian dhe kjo gjë ka irrituar përdoruesit e mediave sociale.
“Ne jemi të kënaqur që kjo pjesë ka gjetur një jetë të re në duart e një emri tjetër të famshëm global”, ndau në një deklaratë Kristian Spofforth, kreu i bizhuterive në Sotheby’s në Londër.
I quajtur Kryqi i Attallah-ut, ishte vënë nga Princesha e ndjerë e Uellsit në një gala bamirësie të vitit 1987 në Londër.
Ajo e kishte kombinuar me një fustan kadifeje të zi të përzier me të vjollcë nga Catherine Walker. “Kryqi ka një peshë totale diamanti prej afërsisht 5.25 karat dhe ka përmasa afërsisht 136 x 95 mm. Kuptohet se kryqi është mbajtur vetëm nga princesha dhe pas vdekjes së saj, ai nuk është parë më kurrë në publik deri më tani”, thuhet më tej.
Por, blerja më e fundit historike e yllit televiziv Kim Kardashian ka nxitur reagime te ndjekësit.
“Ajo me të vërtetë po përpiqet të traumatizojë fantazmat e grave ikonike”, shkroi në Twitter Def Noodles, ndërsa një tjetër shkroi: “Duke menduar për përkushtimin e Kim për t’u lidhur me trashëgimitë tashmë ekzistuese të modës të njerëzve të vdekur”.
“Ky gjerdan duhet t’i kishte shkuar njërës prej mbesave të Dianës”, tha një tjetër. “Ajo do ta dëmtojë ashtu siç dëmtoi fustanin e Marilyn-it”, shkroi një tjetër fanse e shqetësuar. Sipas një artikulli të Forbes për kryqin pati katër oferta gjatë pesë minutave që zgjati ankandi dhe u shit për 163,800 paund, më shumë se dyfishi i vlerësimit fillestar.
Kryqi Attallah u ble fillimisht nga biznesmeni Naim Atala në vitin 1980 dhe duke qenë se kishte miqësi me të, ai ia dha disa herë “borxh” Princeshë Dianës.
