Ditën e djeshme në Kosovë u shënuan dy rastet e para të personave të prekur me Koronavirus.
Bëhej fjalë për një vajzë 20-vjeçare dhe një të moshuar 70-vjeçare.
Pacientët u shtruan në Klinikën Infektive në QKUK dhe nuk paraqesin probleme të theksuara me shëndetin.
Ndërkohë, ditën e sotme numri i të prekurve është rritur duke shkuar në 5.
Pak më parë ISHKPSh-ja ka konfirmuar edhe raste të reja dhe një prej tyre mësohet se ka pasur kontakte me rastin e parë të konfirmuar ditën e djeshme.
“Krahas tri rasteve pozitive të deritashme, sot pasdite me 14/03/2020 në Laboratorin e Mikrobiologjisë Molekulare në IKSHPK me RT PCR janë konfirmuar edhe dy raste të reja pozitive për virusin SARS-CoV-2: Një rast nga Stublla e Vitisë (kontakt i rastit të parë) i gjinisë mashkull 42 vjeç, dhe një rast 37 vjeç e gjinisë femërore, shtetase kosovare me qëndrim në Itali-Brescia, e cila ka ardhur në Kosovë me datë 01/03/2020 nëpërmjet Aeroportit Ndërkombëtar “Adem Jashari“. Vend qëndrimi i saj në Kosovë është fshati Bubavec, Komuna e Malishevës”, thuhet në njoftimin e IKSHPK-së.
