Virusi vdekjeprurës i përhapur në Kinë po përparon fatkeqësisht me shifra të mëdha.
Brenda ditës së diel janë raportuar 100 vdekje, duke e çuar në 1770 numrin e jetëve të marra.
Gjithashtu, sipas “BBC”, numri i përgjithshëm i rasteve të konfirmuara me koronavirus në të gjithë botën ka arritur në 70,548.
Shumica e këtyre rasteve janë raportuar në Wuhan, epiqendrën e koronavirusit.
Gjithashtu, autoritetet në Tiranë diskutuan për dy vende të ndryshme ku mund të ngrihet karantinë në rast se paraqiten raste të Koronavirusit në vendin tonë.
Plani i parë është boshatisja e godinës së shërbimit infektiv në QSUT dhe trasferimi i pacientëve drejt spitaleve të tjera.
Një tjetër vend që është menduar është në pjesën jugore të Tiranës, larg zonës së banuar. Por ende nuk dihet nëse godina që është planifikuar është pajisur me infrastrukturën e nevojshme dhe shërbimet e kërkuara.
