Mes shqetësimeve për kërcënimet e fundit bërthamore të presidentit rus Vladimir Putin ka ardhur një lajm befasues: Departamenti i Shëndetësisë dhe Shërbimeve Njerëzore të SHBA-së tha të martën se shpenzoi 290 milionë dollarë për një ilaç. Ilaçi është për të trajtuar lëndimet e qelizave të gjakut pas emergjencave radiologjike dhe bërthamore, si pjesë e asaj që tha se ishin përpjekje të gjata për t’u përgatitur për ndikimet e mundshme shëndetësore nga kërcënime për sigurinë kombëtare.
Departamenti tha në një deklaratë se blerja e drogës, e quajtur Nplate, është pjesë e “përpjekjeve të saj të gjata dhe të vazhdueshme nga Administrata për Përgatitjen Strategjike dhe Reagimin për të përgatitur më mirë SHBA-në për ndikimet e mundshme shëndetësore të një game të gjerë kërcënime për sigurinë kombëtare”.
Departamenti Amerikan i Shëndetësisë dhe Shërbimeve Njerëzore bleu ilaçin Nplate nga Amgen Inc (AMGN.O).
Kur u pyet nëse blerja, ishte e lidhur me tensionet me Rusinë pas pushtimit të saj në Ukrainë, një zëdhënës i HHS tha se ishte pjesë e përpjekjeve të vazhdueshme për t’u përgatitur për një gamë të gjerë kërcënimesh, duke përfshirë kimike, biologjike, radiologjike, bërthamore dhe ato në zhvillim apo sëmundjet infektive.
Me fjalë të tjera, pavarësisht paralajmërimit të Presidentit Joe Biden se rreziku i “Armagedonit” bërthamor është më i larti që ka qenë që nga kriza e raketave kubane, blerja e ilaçit për sëmundjen e rrezatimit është e rastësishme, sipas HHS.
Shqetësimet për përdorimin e mundshëm të armëve bërthamore janë rritur pasi presidenti rus Vladimir Putin ka lëshuar paralajmërime në javët e fundit se ai është gati t’i përdorë ato për të mbrojtur Rusinë, duke paralajmëruar se nuk ishte bllof.
Dhe në fakt pas Ukrainës, me sa duket edhe SHBA po nis “përgatitjet” për një rast emergjentce.
Nplate, i prodhuar nga prodhuesi amerikan i ilaçeve Amgen, u miratua nga Administrata e Ushqimit dhe Barnave në vitin 2021 për të trajtuar lëndimet e shkaktuara nga sindroma akute e rrezatimit , e njohur gjithashtu si sëmundja nga rrezatimi. (Është miratuar gjithashtu në 2008 për të trajtuar një çrregullim autoimun që shkakton gjakderdhje të tepërt.)
Amgen do të ruajë furnizimin me ilaçin, një qasje që HHS thotë se ul kostot për taksapaguesit dhe lejon që ilaçi të përdoret në tregun komercial përpara se të skadojë.
Kjo vjen pas përgatitjeve të Ukrainës duke blerë jod.
Rreziku për një katastrofë jo vetëm ekonomike por edhe fizike është tepër pranë!
