Fjolla Morina njihet gjerësisht në vendin tonë si këngëtarja seksi që gjithmonë sjell këngë e klipe mjaft eksplicite. Por kur vjen puna tek familja ajo ka treguar se është gjëja më e çmuar që ka.
Në një intervistë për emisionin “Prive” ajo ka folur për herë të parë për familjen, mamin dhe vajzat e saj.
“E para vjen familja ime, pastaj vij unë. Mamin e cmoj shumë, ka sakrifikuar shumë të na rriste mua dhe motrat e vëllain, pasi babai ka vdekur kur unë isha 12 vjec. Ajo është pika ime e dobët dhe në periudhën që s’kam nxjerrë projekte kam qënë në një situatë të keqe. Mami ka qënë e sëmurë, u dignostikua me qeliza kancerogjene, por për fat të mirë po përballet mirë me terapinë. Shpresoj që do të bëhet mirë” – tha Fjolla me sytë e mbushur me lot.
Ajo më tej foli edhe për vajzat e saj duke u shprehur: “Fëmijët e mi janë të shenjtë për mua. Muzika më pëlqen dhe e bëj, por fëmijët nuk i lë pas dore për muzikë. Kur jam në koncerte kthehem menjëherë në shtëpi të fle me fëmijët e mi, pasi dua t’i rris vetë”.
