Lindsay Lohan zbuloi se ajo frikësohej shumë nga ish-i fejuari i saj, ndërsa ka folur e emocionuar për marrëdhënien e saj. Rrëfimi për ish-të fejuarin Egor Tarabasov ishte edhe arsyeja pse aktorja amerikane u ftua në televizionin “Channel One” në Rusi, për të cilën ajo u pagua 650,000 paund.
Ajo ritregoi historinë e saj natën kur pati debate me 23-vjeçarin. Linday është shprehur se po flinte e qetë, ndërsa Egor hyri me dhunë në shtëpinë e saj dhe nisi të ushtronte dhunë mbi të.
“Isha jashtë mase e trembur, ai dukej i nevrikosur aq sa për të më hedhur acid në fytyrë, prandaj nisa të bërtisja me të madhe”, tregon Lindsay gjatë intervistës.
Aktorja shton se, “u ngjita në ballkon dhe thirra me të madhe: “Ai po mundohet të më vras, merrni policinë”. Jam me fat që jam sot në Mosko për të folutr”.
Por çdo histori ka dy medalje! Në një deklaratë për mediat, rusi thotë: “Më ka ardhur në vëmendje se ish-e fejuara ime, Lindsay Lohan, po planifikon një fushatë të re shpifjesh kundër meje në mediat ruse dhe ato ndërkombëtare”.
Biznesmeni rus është i bindur se çdo fjalë e thënë nga ish-e fejuara e tij është një tentativë për të hedhur baltë mbi emrin e tij dhe asgjë më shumë.
Ata u ndanë në fund të korrikut, ndërsa ai shton se, “në javët që pasuan, ka pasur përpjekje të shumta për të diskredituar emrin tim duke shkruar gjëra të pasakta për marrëdhënien tonë, duke botuar fakte të shtrembëruara dhe duke bërë akuza të rreme. Sot, dua të theksoj se të gjitha akuzat e bëra nga Lindsay kundër meje nuk janë të vërteta”.
Burimi: Daily Mail
