Ajo njihet për muzikën e saj, por edhe për format e saj bombastike.
Por Jennifer Lopez ka zbuluar se në hapat e para të karrierës së saj i kishin kërkuar të humbë në peshë.
Duke folur për “InStyle”, 48-vjeçarja tha se asaj i kishin kërkuar që të humbiste disa kilogramë nga trupi i saj me forma, megjithatë ajo refuzoi të dëgjonte kritikët, pasi e donte trupin e saj ashtu siç e kishte.
” Mora shumë kritika nga njerëzit e industrisë. Ata më thonin, të humbisja peshë ose nuk kisha shance të futesha në televizion” – tha këngëtarja.
“Por unë nuk shihja asgjë të gabuar në trupin tim dhe akoma nuk shoh” – shtoi ajo më tej.
Ylli falenderon familjen e saj, në veçanti të ëmën dhe gjyshen të cilat e edukuan ta donte trupin e saj ashtu siç e kishte.
