Vetëm pak ditë më parë, vogëlushi shqiptar Alvin Berisha arriti të lirohej nga kampi Al Hol në Siri, për t’iu bashkuar familjes së tij, babait, dy motrave dhe gjyshërve.
Vetëm pak orë pasi 11-vjeçari mbërriti në shtëpinë e tij në Barzago të Italisë, gazetarja Eni Vasili dhe stafi i emisionit të saj “Open” kanë shkuar për të intervistuar familjen e Alvinit.
Mbërmjen e kaluar, gjatë emisioni u transmetua edhe intervista me Afrim Berishën dhe gjyshin e Alvinit, të cilët rrëfyen për gjithçka rreth historisë që vuri në lëvizje vendin.
Gjyshi i Alvinit tregoi se 11-vjeçari kishte plagë tek këmbët, por s’ia tregonte babait të tij.
“Ka dhe plagë nën dhe mes kofshëve dhe nuk t’i tregon, mezi ia ka parë Afrimi. S’e dimë pse i fsheh”- tha gjyshi.
“Sa i hipëm në makinë dhe dolëm në autostradë e pyeta “A do të hash diçka?” Tha “Po”. E pyeta a do të shkojë në banjë, shkuam në banjë. Aty në banjë s’më la të futesha brenda. Nga kjo dyshova që ky ka diçka që do ta mbajë të fshehtë që të mos e shoh. Gjatë rrugës i thashë që i kam blerë rroba dhe shkuam t’i ndërrojmë. Pastaj kur e kam parë… Dhe ai ngeli, nuk e di se cfarë mund të ketë menduar. “Më pa babi që jam plagosur, do më lërë këtu.”- tregoi Afrim Berisha.
