Të gjithë jemi indinjuar për situatat e ndryshme në të cilat jemi bërë pjesë dhe rrjetet sociale janë parë si një zgjidhje për të “shfryrë” ndjenjat negative.
Kështu bën shpesh edhe këngëtarja e moderatorja shqiptare, Rozana Radi, e cila ka shpërndarë një status lidhur me të gjithë kalvarin e vuajtjeve dhe problemeve që ka hasur me njerëzit gjatë gjithë këtyre viteve.
“Jam mësuar të lexoj mesazhe tallëse të njerëzve dhe i kam kapërdirë. Kam shikuar padrejtësitë që më janë bërë dhe kam mbyllur njërin sy. Kam mësuar të dëgjoj ‘fjalët’ e mençura të mendjemëdhenjve dhe të bie dakord me ta.
Të gjitha këto nuk m’i ka mësuar shkolla, nuk m’i ka dhënë kush leksion, por m’i ka mësuar jeta. Dhe ajo që mësoi më shumë jeta është të urrej buzëqeshjen e shtirur.
Jam shumë më e lumtur kur dikush më godet me një shpullë ballë-për-ballë, sesa një thikë pas shpine. Se di si qëndroni akoma në këtë “Facebook” dhe nuk fshini vetveten! Do mësohem dhe me këtë!”, përfundon Radi.
Përveç kësaj, ajo që bie në sy është edhe komenti i Fiorit, e cila shkruan: “Zana, mos u mërzit moj!”.
Kush e ka mërzitur kaq shumë Rozin, nuk e dimë!
