Moderatorja e njohur e emisionit “Why not”, Roza Lati, pak ditë më parë e ftuar në emisionin “Thumb” rrëfeu se nuk është fanse e dasmave. Ajo tha se preferon t’i shpenzojë lekët e dasmës për të bërë pushime me partnerin. Jo vetëm kaq, por ka edhe një arsye tjetër shumë domethënëse për jetën e saj, pasi dasmat i kujtojnë të atin, mungesën e të cilit e ndjen prej kohësh.
Ndërsa të gjithë menduam se nuk do të kishim mundësinë ta shihnim Rozën me fustan të bardhë, moderatorja na ka befasuar të gjithëve me një video që ka postuar sot në Instastory.
Ajo shihet e veshur me një fustan të bardhë nusërie, teksa bëhet gati për një set fotografik.
“Më shihni mirë kështu se nuk keni për të më parë më, apo më shkon? Thua ta provoj, por herën tjetër prej vërteti”, dëgjohet të thotë Roza në video.
