Rovena Stefa është revoltuar me disa nga këngëtarët e “Këngës Magjike”, të cilët nuk e kanë votuar më asnjë pikë.
Ajo shprehet se kjo ka qenë arsyeja që nuk është kualifikuar për në finale, ndërsa e quan “pazar” votimin në festival.
Për çudi, Rovena Stefa kishte votuar dy këngëtaret Samanta Karavella dhe Elhaida Danin me 26 dhe 22 pikë. Ndërkohë nuk kishte marrë asnjë pikë nga dy vajzat.
“Elhaida, Endri & Stefi, Samanta, Fifi, Stresi, Mentori e shume të tjere që nuk mbaroj deri nesër duke i përmendur, kane Votuar me 0 Pike Kengen time, por dhe shumë të tjera brenda Këngëve Fituese në mënyrë që këta vetë të dilnin në krye, duke shtypur të tjerët.
Vetëm 70 pikë mungonin që unë të isha në finale dhe janë pikërisht pikët që mungojnë nga këta më sipër. Ju i patë votat e mia për 5 vendet e para që mbrëmë u shpallen në krye. Po të njëjtet këta e vlerësuan Rovin me 0, të njëjtën Rovenë, që u nominua në finalen e mbrëmshme nga vetë Stafi i Këngës Magjike me çmimin e interpretimit. Flm të gjithëve që patën kaq frikë nga unë??, e keni treguar veten të dobët dhe aspak artistë siç pretendoni që jeni! Në fund të fundit Populli e Di??❤️??. Punë të mbarë në Pazare të tjera!
P.S. Ngjyra blu tregon që votimi është 0”.
