Supermodelja Rosie Huntington-Whiteley ka bërë një rikthim spektakolar në pasarelë pas një dekade pauzë, duke parakaluar në shfaqjen e Jean Paul Gaultier gjatë Javës së Modës në Paris. Në moshën 37-vjeçare, ajo shkëlqeu me një fustan të tejdukshëm prej tyli të zi, të dizajnuar nga Ludovic de Saint Sernin, me një korse dhe fund me lidhëse që theksonin trupin e saj të mrekullueshëm.
Rikthimi i saj në pistë pas një periudhe të gjatë fokusi në sipërmarrjet e saj, përfshirë linjën e bukurisë ‘Rose Inc’ dhe bashkëpunimin me ‘Wardrobe.NYC’, shënon një moment të veçantë për modelen, që kishte sfiluar për herë të fundit në vitin 2015 për Balmain.
Ndërkohë, Rosie dhe bashkëshorti i saj, aktori Jason Statham, janë rikthyer në Londër pas 11 vitesh në Kaliforni, duke kërkuar një jetë më private dhe më të qetë për fëmijët e tyre, larg paparacëve. Ajo ka shprehur shqetësimin për ekspozimin e fëmijëve ndaj vëmendjes publike dhe ka theksuar dëshirën për një ambient më të mbyllur dhe privat.
