Mbrëmjen e sotme, natën e tretë të “Festivalit të Këngës në Radio-Televizionin-Shqiptar”, është vendosur se kush do të fitojë festivalin e do ta përfaqësojë Shqipërinë në Torino për “Eurovision 2022”
Çmimi i parë iu dha Ronela Hajatit, e cila u përfaqësua me këngën “Sekreti”.
Ndërkohë, çmimi i dytë shkoi për një nga pretendentët kryesorë, Alban Ramosaj me këngën “Theje”.
Çmimi i tretë, nga ana tjetër iu dha dy personave. Trofeu u nda midis Eldis Arrnjetit dhe Rezarta Smajës; ata ja dedikuan çmimin vendlindjes së tyre, qytetit të Shkodrës.
Mes emocionesh, Ronela Hajati ka falenderuar bashkëpunuesit e saj, duke përmendur gjithashtu vlersime për konkurrentin Alban Ramosaj.
“Dua të dhuroni një duartrokitje për Albanin që është një nga artistët më të mirë në Shqipëri.
Ky është çmimi im i parë i parë që unë marrë dhe do të jetë një nga më të rëndësishmit në jetën time. Ky çmim i dedikohet vetëm babës tim që më shikon!
Falenderoj jurinë që më ka votuar, falenderoj RTSH, orkestrën dhe publikun që më ka dhënë shumë çmime të para në jetë.”
Wiwibloggs gjithashtu ka zgjedhur fituesin, nga një sondazh i kryer në faqen e tyre.
Blogu zyrtar i “Eurovision”, ka nxjerrë Ronela Hajatin fituese, me këngën e saj “Sekreti”.
Pas saj, vijnë konkretisht të renditur: Alban Ramosaj, Olimpia Smajlaj, Endri dhe Stefi, dhe Janex.
