Xhesika Polo vendosi të realizojë ndërhyrje estetike në pjesën e belit, që siç e komenton ajo nuk është asgjë më shumë sesa një “strukturim trupi”. Këngëtarja u shpreh se tashmë, me disa kilogramë më pak, ndihet më e sigurtë përpara publikut kur performon, pasi mendjen e mban te kënga dhe jo sesi duket.
“Unë nuk e kam pasur kompleks, nuk më është bërë kurrë pengesë shëndeti. Por vendosa të kryejë operiminin, për veten time, të bëja një ndryshim që të jetoja më mirë. Një motivim që të mbaja këtë lloj fiziku. Ndihem më e sigurtë në public, nuk e kam mendjen që ‘O bo bo, po më del barku.’ Tashmë kur shoh veten në pasqyrë, them se duhet të ecim vetëm me hapa përpara.” – tregoi Xhesila Polo.
Pak ditë më parë, këngëtarja vendosi të publikojë në rrjetet sociale, imazhe të saj, ku shfaqej buzë pishinës e veshur me rroba banje. Ajo pranoi ditën e sotme në emisionin “Rudina”, se ishte frymëzuar nga këngëtarja Ronela Hajati për ta prezantuar trupin e saj, ashtu siç është, plot me defekte, në rrjetet sociale.
“Kur pash foton e Ronelës, mendova me vete ‘Përse të mos e hedh dhe unë?’ Më pëlqeu shumë vendimi i saj për t’u shfaqur në ‘Instagram’ ashtu siç është. Ndaj publikova edhe unë disa foto ku shfaqesha me bikini. Kam strija, kam celulit por më pëlqen trupi im dhe përse të mos e shfaq pa filtra. S’do e kisha marrë kurrë guximin vetë” – përfundoi këngëtarja shqiptare.
