Futbollisti i njohur, Cristiano Ronaldo duket se është ende i dashuruar me modelen e bukur Irina Shayk.
Sipas “The Sun”, ylli i Real Madrid-it u thotë shokëve se ka ende ndjenja për të dhe se ishte ajo që u largua prej tij.
Çifti u takua për herë të parë në vitin 2010, por modelja i dha fund lidhjes në 2015-n. Megjithatë, duket se ndjenjat e futbollistit për 32-vjeçaren nuk janë larguar.
Një shoku i tij ka thënë për “The Sun” se ai është akoma i dashuruar me yllin e pasarelave dhe i vjen keq për lidhjen që mori fund:
“Atij i vjen keq për mënyrën sesi marrëdhënia e tyre përfundoi dhe ende interesohet për jetën e saj”, tha burimi.
Ylli i Real Madrid-it dhe Irina dyshohet se janë ndarë sepse kjo e fundit dëshironte një fëmijë.
Por 33-vjeçari kishte tashmë një djalë, Cristiano Jr dhe ishte i fokusuar tek karriera.
“Ai kurrë nuk e mendoi se Irina do të largohej”, shtoi burimi.
Modelja tani ka një vajzë me aktorin Bradley Cooper dhe burimi u shpreh se Cristiano është xheloz për marrëdhënien e tyre.
Fubollisti është në një marrëdhënie me modelen spanjolle Georgina Rodriguez, 23 vjeç, që nga nëntori 2016.
Georgina lindi në nëntor vajzën e Ronaldos, Alana Martina, ndërsa Ronaldo ka dhe 2 fëmijë të tjerë binjakë Eva dhe Mateo me një nënë mbartëse.
Burimi: The Sun
