Filmi “5 Herë Jo” do të ketë premierën e madhe në datën 12 dhjetor. Deri tani dy protagonistët, Bora dhe Donaldi kanë publikuar trailerin me disa episode nga filmi, por një gjë që nuk shpëtoi pa u vënë re ishte padyshim mungesa e Romeos.
Jemi mësuar që dyshen e binjakëve t’i shohim gjithnjë të pandarë në projektet e tyre, ama këtë herë në këtë projekt kinematografik ishte vetëm Donaldi me Borën. I ftuar në punatën e sotme të rubrikës “Galeri”, Donaldi ka treguar arsyen pse Romeo nuk mori pjesë në film. Ai tha se kishte përgatitur një personazh për të, por nuk mundi të ishte pjesë e kastit pasi ai ka një tjetër projekt të madh.
“Romeo është duke bërë një projekt të madh që unë nuk kam të drejtë të flas. Ka lidhje me Top Channel. Është një projekt shumë interesant për të cilin do dëgjoni në 2024. Xhiron shumë, 6 ditë të javës. Ka rreth 5-6 muaj që punon për të. Kemi hequr një personazh që nuk e kemi zhvilluar në film, Romeo na e dogji këtë personazh”- tregoi Donaldi.
