Personat publikë janë gjithmonë në kërkim të rrjeteve sociale që nuk janë aq të njohur. Në “Facebook” apo në “Instagram” mund t’i gjejmë shumë lehtë, por nëse dëshirojnë të publikojnë diçka intime zgjedhin një media tjetër sociale.
Ndërsa një ditë më parë “Iconstyle” publikoi fotografitë e djalit të Aridan Fullanit, Erikut, në shoqërinë e të dashurisë së tij të re, sot arritëm të zbulojmë identitetin e saj.
Në profilin e Erik Fullanit në “Tumblr”, ai shfaqet në plazh duke shijuar rrezet e diellit ndërsa bën një gjest afeksioni me bionden, deri më dje misterioze. Imazhi është publikuar më herët nga vajza e quajtur Sara Xhaferraj. Në rrjetet sociale e reja nuk tregon shumë për veten, ndërkohë që edhe fotografitë nuk i ka publike. 22-vjeçari u dallua në një nga lokalet e njohura të Tiranës, në zonën e ish-Bllokut, fundjavën e kaluar në shoqërinë e së njëjtës vajzë.
Romanca mes tyre përflitet se ka nisur dy muaj më parë, pasi miqtë e tyre kanë deklaruar më herët se dy të rinjtë njiheshin prej disa kohësh dhe pas disa takimesh deklaruan lidhjen.
*Shfleto galerinë
Burimi: Iconstyle.al
