Modelja Emily Ratajkowski po planifikon të ketë më shumë fëmijë, me ose pa një partner në krah. Modelja zbuloi se ka shumë dëshirë që t’i japë djalit të saj, Sylvester, një vëlla në të ardhmen. Teksa ishte e ftuar në një podcast, modelja u pyet rreth kësaj teme. Ajo u shpreh se ka në plan që të ngrijë vezët, në mënyrë që të ketë kohë për karrierën dhe për të gjetur një partner.
“Kam menduar shumë për këtë. Shumë nga miqtë e mi i kanë ngrirë vezët e tyre vetëm për t’i blerë vetes edhe pak kohë, për të bërë karrierën që duan, për të takuar partnerin e mundshëm që duan, por gjithashtu e di që shumë njerëz kanë bërë IVF sepse nuk kanë mundur të mbesin shtatzënë natyrshëm.”
Ajo më tej shpjegoi se, gjatë një vizite të fundit te mjeku, u ngrit tema e ngrirjes së vezëve të saj.
“Nëna ime mbeti natyrshëm shtatzënë me mua në moshën 38-vjeçare. Mendoj se patjetër që do të doja të kisha më shumë fëmijë, më pëlqen shumë të jem nënë. Nuk jam e sigurt se do të gjej dikë me të cilin dua të rris një fëmijë.”
Kujtojmë se modelja është nënë e një djali dyvjeçar me ish-burrin, Sebastian Bear-McClard. Dyshja u divorcua në korrik 2022 pas katër vitesh martesë.
Po ashtu, kjo deklaratë po bëhet në një moment kur sapo është zbuluar lidhja e saj me këngëtarin Harry Styles. Mos do të thotë se nuk e shikon Harry-n si të përshtatshëm për të qënë babai i fëmijës së saj? Mos ndoshta, me këtë deklaratë ajo po lë të nënkuptohet se lidhja me Harry do përfundojë shpejt.
