Muajt e fundit, emri i saj është lakuar pafund në mediat tona dhe jo vetëm. Por, tani që kanë kaluar disa kohë nga zhurma e arrestimit të saj në Itali, ku u shpall e pafajshme, Elsa Lila i është kthyer jetës normale.
Këngëtarja është shumë aktive edhe në Instagramin e saj, duke mbajtur ndjekësit të përditësuar me të reja nga përditshmëria e saj.
Së fundmi, Elsa ka ndarë disa foto nga Roma, ku nuk është vetëm. Lila shoqërohet nga opinionisti i Për’puthen, Arjan Konomi.
“Sa e bukur Roma me Arjan Konomin,” – shkruan këngëtarja krahas një kolazhi me foto.
View this post on Instagram
Elsa Lila u arrestua në mars te këtij viti pasi dyshohej për përfshirje në një organizatë kriminale, por pas hetimeve dhe provave këngëtarja u shpall e pafajshme. Rikujtojmë se Elsa Lila është një figurë shumë e njohur për publikun shqiptar.
Ajo ka kultivuar muzikën shqipe dhe italiane me elementet arbëreshe. Elsa kishte treguar talentet e saj të këndimit dhe aktrimit që kur ishte fëmijë në emisionet televizive shtetërore shqiptare dhe fitoi konkursin kombëtar të këngëve shqiptare 2 vjet me rradhë ndërsa ishte në vitet e adoleshencës
Ajo debutoi për herë të parë në festivalin më të madh të këngës italiane, Sanremo, në vitin 2003, ndërkohë që mori pjesë përsëri në Festivalin e Sanremos 2007.
Në deklaratën për lirimin e Elsa Lilës, avokati Saimir Visha tha që ajo është lënë e lirë nga autoritetet Italiane dhe se gjitha akuzat ndaj saj janë pushuar. Ai shtoi se pafajësia e saj dihej, por shumë persona kanë vjell vrer kundër saj duke sjellë këtë keqkuptim.
