Dy përfaqësuesit e Aleancës për Mbrojtjen e Teatrit, Robert dhe Edmond Budina, kanë rezultuar pozitivë me Covid-19.
Lajmi është bërë i ditur nga “Gazeta Shqip” dhe mendohet se shkak për infektimin janë bërë protestat për prishjen e Teatrit Kombëtar.
Pas shembjes së tij, Aleanca për Mbrojtjen e Teatrit mbajti protesta disa ditore në Tiranë.
Gjithashtu, Aleanca nisi takimet nëpër rrethet e Shqipërisë me qëllimin mbledhjen e firmave për rindërtimin e Teatrit Kombëtar.
Pikërisht kontakti me shumë njerëz duket se ka infektuar edhe dy artistët, të cilët ende nuk e kanë konfirmuar publikisht këtë lajm.
Për shkak të çështjes së mbrojtjes së Teatrit, dy vëllezërit janë bërë shpesh kryefjala e mediave në vendin tonë.
Madje, për të mbrojtur ndërtesën ata janë bërë shpesh pjesë e përleshjeve me policinë.
