Dy përfaqësuesit e Aleancës për Mbrojtjen e Teatrit, Robert dhe Edmond Budina, kanë rezultuar pozitivë me Covid-19.
Ata kanë qenë shumë aktiv në protestat e Aleancës, mirëpo nuk dihet ende se ku janë infektuar.
Lajmi bëri xhiron e rrjetit, teksa bujë të madhe shkaktoi edhe statusi i kryeministrit, i cili e ndau lajmin në Twitter.
Ai u uroi të dyve shërim të shpejtë dhe bëri thirrje që të gjithë të respektojnë rregullat.
Kjo është hera e parë që kryeministri komenton rastin e infektimit të një personi me emër me Covid-19.
“Më vjen sinqerisht keq që dy vëllezërit Budina kanë rezultuar pozitiv në testin për Covid19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s’ka ikur dhe po përfiton nga neglizhenca e qytetarëve ndaj rregullave!”
Më vjen sinqerisht keq që dy vëllezërit Budina kanë rezultuar pozitiv në testin për Covid19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s'ka ikur dhe po përfiton nga neglizhenca e qytetarëve ndaj rregullave!
— Edi Rama (@ediramaal) June 19, 2020
Pas publikimit të lajmit, vëllezërit kanë dhënë intervista të ndryshme.
Roberti deklaroi në një intervistë për Abc News se ka qënë përfaqësuesja e ISHP-së, Silva Bino ajo që i ka kërkuar me ngulm që të bëjë testin.
Ai pretendon se Silva Bino nuk i ka dhënë asnjë dokument me përgjigjen e testit dhe nuk kishte pranuar që familjarët e tij të testoheshin gjithashtu me pretendimin se nuk kishin simptoma.
Kështu, nisur nga ky fakt, Roberti tha pak më parë në një lidhje me Skype për “Zonë e Lirë” se është skeptik ndaj rezultatit të tamponit dhe shtoi se nesër do bëjë një tjetër test në spital privat.
“Kam dyshimet e mia mbi rezultatin e testit. Mbi të gjitha ne nuk na është dhënë dokumenti që vërteton se jemi infektuar nga Covid-19 edhe pse e kemi kërkuar. Nesër do bëjë vetë një test në privat. Shkalla e saktësisë së këtij testi është 70% kështu që dua të shohë rezultatin.”
Më herët vëllezërit Budina deklaruan se do të ngrinin padi ndaj Binos dhe ndaj kryeministrit Edi Rama për shkelje të së drejtës për privatësi.
Nga ana tjetër, Ministria e Shëndetësisë ka bërë publike përgjigjen zyrtare për dy vëllezërit.
Në dokumentin e mëposhtëm shihet se dy vëllezërit e njohur kanë rezultuar pozitivë në testin e COVID-19.
