Robert Berisha, bashkëshorti i Nora Istrefit ka zbuluar për herë të parë disa detaje në lidhje me shtatzëninë e kunatës së tij, Tunës.
I ftuar në emisionin e Rudinës në “TV Klan”, për ndjesinë e xhaxhait, Roberti tregon se këtë status nuk e ka për herë të parë. Vëllai i tij ka dy vajza të rritura tashmë, por pranon se fëmija që do të vijë shumë shpejt në jetë do të jetë i pari nip Berisha në familjen e tyre dhe për këtë, natyrisht, ndihet shumë mirë
“Tuna nuk ka lindur akoma, besoj duhet edhe një muaj. Është një ndjesi e mirë, por nuk po bëhem për herë të parë xhaxha sepse vëllai i ka dy vajza. Megjithatë, Tuna e ka djalë dhe ai do të jetë një Berishë i vogël…”, tregon Roberti, i lumtur që në një familje djemsh, pas tri vajzave, do të vijë një trashëgimtar.
Të lindur në një familje muzikantësh, të rrethuar qysh në vogëli nga muzika, tre djemtë Berisha kanë pasur një marrëdhënie të shkëlqyer me artin e me muzikën. Siç tregon Roberti lidhja e tij me muzikën daton në moshë fare të vogël, por po njëlloj ka qenë edhe për dy vëllezërit e tij, Plator dhe Patris Berisha, të cilët janë instrumentistë.
Muzika ka vijuar njëlloj edhe te nipërit e mbesat e familjes Berisha. Edhe dy vajzat e vëllait janë gjithashtu të apasionuara pas muzikës, për të mos folur pastaj për Renee, vajza e çifti të njohur, e cila ka filluar të kërcejë shumë herët e ta ndjekë ritmin në mënyrë të përsosur.
