Ngjarja më e përfolur e javës së kaluar në të gjitha mediat në mbarë botën ishte hapja e ceremonisë së Botërorit 2018, por ai që rrembeu të gjithë vëmendjen ishte këngëtari Robbie Williams.
Ndonëse kënga zyrtare e botërorit 2018 është “Live it up” e kënduar nga Era Istrefi, Will Smith dhe Nicky Jam, ai që ka hapur ceremoninë madhështore ka qënë Robbie Williams.
Ceremonia e hapjes ishte e magjishme në të gjitha detajet duke mahnitur të pranishmit në stadium dhe ata që e ndoqën nga shtëpia. Por gjesti aspak i këndshëm i këngëtarit të famshëm, i cili nxorri gishtin e mesit për kamerat i habiti të gjithë.
Ai teksa kërcente ka nxjerrë gishtin e mesit e më pas është larguar. Kjo video ka bërë xhiron e rrjetit dhe komentues të shumtë e kanë konsideruar si të pahijshëm veprimin e këngëtarit.
Sipas mediave të huaja këngëtari mund të rrezikojë burgun nëse veprimi konsiderohet i qëllimshëm.
Ai mund të dënohet për sjellje të pahijshme në publik dhe mund të marrë gjobë.
Gjithashtu thuhet se ai e tregoi gishtin e mesit drejt kamerave që t’ju përgjigjet kritikave që ka marrë për faktin se ka pranuar të jetë pjesë e kësaj ceremonie me ftesë nga Vladimir Putin
