Vdekja e 23-vjeçares Evgjeni Baxho vazhdon të jetë e mbuluar me mister. Në trupin e të ndjerës u gjetën disa simbole të çuditshme, të cilat ende nuk janë dëshifruar plotësisht. Prej ditësh flitet se 23-vjeçarja duhet të ketë qenë e përfshirë në ndonjë sekt, që në një farë mënyrë e ka çuar drejt këtij akti ekstrem.
Mbrëmjen e djeshme në emisionin “Open”, është diskutuar për këtë ngjarje dhe të tjera të ngjashme me të. Ekspert i profilizimit kriminalistik, Ervin Karamuço, për vdekjen e 23-vjeçares, Evgjeni Baxho, tha se ajo i është nënshtruar një rituali të kryer nga një person i seksit mashkull, sepse këto sekte sipas tij operojnë në gjini të kundërta.
“Ka ardhur koha të marrim masa, këto rituale janë kryer nga një mashkull kundrejt një femre ose anasjelltas, nuk ndodhin kurrë mes gjinive të njëjta. Mos t’i biem në qafë kot këtyre sekteve alternativë si Jehovai, por janë disa të tjerë që janë futur përmes tyre.
Është kryer disa herë dhe është nga një mashkull. Nga krahasimet e atyre që janë gjetur në trupin e viktimës nuk ka 100% përputhje me një grafikët që mund të gjendet në internet”, u shpreh eksperti.
Sa i përket simboleve mbi trupin e 23-vjeçares, Karamuço tha se njëra prej tyre që ngjan si një pemë është përqendrim energjie për të shkaktuar mpiksje të gjakut.
“Ajo që ngjan si pemë, ajo është një përqendrim energjie dhe frekuence për të shkaktuar mpiksjen e gjakut. Është pjesë e një rituali për të shkaktuar dëm në një organ të trupit me mpiksjen e gjakut. Viktimat ka qenë në kushtet e një presioni të madh ose mashtrimi të madh. Presioni për të kryer një ritual të tillë dhe mashtrimi që do të bëhet një ritual i bardhë në atë gjendje që është ajo.
Shkrimet janë mesazhe që janë të padeshifrueshme. Nuk kanë të bëjnë me asnjë lloj alfabeti. Gjendja mund të jetë dhe thjesht muskulore, ndaj nuk shkruhen në momente të ndërgjegjshme, por të pandërgjegjshëm që i shkruajnë për t’i lënë si mesazhe. Pra janë bashkim i disa simboleve, nuk është alfabet. E kam një kuptim, por do më akuzojnë për nxitje të panikut. Sot në mëngjes, kam thënë që këta janë serial killer, i nënshtrohen një rituali që nuk ka fund dhe marrin kënaqësi nga këto”, u shpreh eksperti i kriminalistikës.
E ftuar në “ABC e Mëngjesit”, Pranvera Xhafa, njohëse e ezoterizmit dhe okultizmit tha gjithashtu se vajza mund të ketë qenë pjesë e një sekti fetar, i cili fillimisht bën që personat të ndryshojnë sjelljen, mënyrën e ngrënies deri në lavazhin e trurit.
“Një nga gjërat që i tërheqin është pjesa e spituarilitetit dhe fillon ndryshimi në sjellje, në ushqim për shembull ndalon mishin.
Janë disa kultura që e ndalojnë si për shembull në një nga kulturat në Indi ngrënien e mishit.
Kjo është arma që nisin dhe i bëjnë një lavazh trurit që është mirë dhe më vonë do të bëjmë edhe gjëra më të mëdha.
Duke i vendosur dhe përdorur këto simbole herë pas here kupton që me dashje apo jo ti je duke i dhenë shpirtin tënd nje demoni.
Nga mjekesia ligjore kjo mund të kapet vetëm po të vij në Shqipëri një grup mund ta kapë.
Në fillim fillon tjetërsimi në sy. Ata që mund ta kenë njohur e kuptojnë.
Fillon tjetërsimi në çdo lloj forme, sepse mendon që të tjetër nuk e kuptojnë botën tënde”, tha ajo.
Sipas Xhafajt, simbolet që 23-vjeçarja kishte në trup tregojnë që mund ttë kenë qenë ritual se nuk janë bërë vetëm një herë.
Ajo ka theksuar se në momentin që t’i i nënshtrohesh ritualeve, t’i veçohesh nga pjesa tjetër e grupit dhe je një rrezik, ndërsa në momentin që t’i vendos të tërhiqesh ata mundohen të eleminojnë.
“Në tre simbolet po t’i bashkosh, del fjala zot në shqip. Por në fjalorin anglosankson kanë kuptime të tjera, fjala është tjetër në varësi të simbolit. E sigurt është që ato mund të jenë rituale se nuk janë bërë vetëm një herë.
Në momentin që i nënshtrohesh ritualeve t’i veçohesh nga pjesa tjetër e grupit, ti aty je dhe një rrezik se di dhe gjëra të tjera.
Në momentin që t’i vendos të tërhiqesh ata mundohen të eleminojnë. Vajza ka pasur shumë telefonata, shqetësime kohët të fundit dhe i bie që ka dashur të vendosur se çfarë do të bëjë të tërhiqet a jo”, u shpreh Xhafaj.
