Këtë të diel Rita Ora pritet të moderojë një prej spektakleve më të rëndësishme të muzikës: MTV Ema 2017. Këngëtarja ka folur për prestigjiozen italiane “Corriere Della Sera” lidhur me këtë event.
Rita i ka kujtuar të gjithëve origjinën e saj duke u shprehur: “Është një moment historik që nuk të vjen dy herë në jetë, sepse mos harroni origjinën time, unë jam me refugjatët”.
Tani, ajo ndihet si e zonja e shtëpisë në Londër, qyteti i cili e bëri pjesë të tijin që në vitet e para kur mbërriti bashkë me familjen.
Ajo do të prezantojë EMAs pikërisht në qytetin e saj, në “Wembley Arena”.
“Dua ta shijoj këtë moment, unë dua gjithmonë të përmirësohem dhe nuk e kursej veten asnjëherë kur ka të bëjë më punën. E kur bëhesh pjesë e këtyre momenteve kupton që çdo përpjekje ka kuptim.”, është shprehur këngëtarja.
Për thashethemet e lidhjeve të saj, Rita u shpreh:
“Realiteti është se nëse u jep rëndësi thashethemeve, humb jetën tënde për të sqaruar mendimet tuaja. Por nuk është e lehtë të lësh gjithçka të shkojë, duhet të jesh kockë e fortë”.
Rita këndonte që kur ishte 2 vjeçe:
“Nëna ime më përsëriste çdo natë që unë mund t’ia dilja, ishte ajo më mësoi të besoja në ëndrrat e mia. Në shkollë isha e tmerrshme, por muzikën e mësoja me një frymë”.
Ishte historia e saj që e mësoi të qëndronte me krenari në këmbë.
Burimi: Corriere Della Sera
