Këngëtarja kosovare me famë ndërkombtare, Rita Ora, ka uruar ditën e pavarësisë për Kosovën, duke festuar kështu 14 vite shtet të vendit të saj.
Ajo ka publikuar ditën e sotme një postim në llogarinë e saj të “Instagram”, ku shkruan “Urime Ditën e Pavarësisë”, teksa e ka shpërndarë një video të performancës në Prishtinë të para disa viteve të shoqëruar me ritmet e muzikës shqiptare.
View this post on Instagram
Rikujtojmë se Rita Ora edhe së fundmi ka publikuar një video në llogarinë e saj të “Tik Tok”, ku edhe një herë shpalos kulturën shqiptare me botën.
Në videon e postuar ajo shfaqet duke kërcyer këngën që është bërë virale në “Tik Tok”, një miksim i hitit “Love Nwantiti” me remixin shqiptar të këngës “Habibi”.
Ajo ka shijuar këngën, duke e kërcyer nën ritmin e valles popullore shqiptare.
Ajo shkruan se për këtë, është frymëzuar nga dy motrat me origjinë shqiptare “Mian Tëins”, të cilat kanë një influencë të madhe në “Tik Tok”.
“Duhet ta bëja. Të preferuarat e mia që i ndjek në TikTok “miantwins” më inspiruan”- shkruan ajo duke vendosur edhe ‘emoji’-n e flamurit shqiptar.
Edhe më herët ajo ka treguar se është fanse e këngëve popullore shqiptare. Mjaftojmë të kujtojmë se koncertin e saj në Kosovë e nisi me “Vallen e Tropojës”, apo videon ku kërcen “Valle Kosovare” të Shpat Kasapit për Krishtlindje
